Lade Inhalte...
  • NEWSLETTER
  • ABO / EPAPER
  • Lade Login-Box ...
    Anmeldung
    Bitte E-Mail-Adresse eingeben
    Bitte geben Sie Ihre E-Mail-Adresse oder Ihren nachrichten.at Benutzernamen ein.

gemerkt
merken
teilen

Dá Nikolaus

04. Dezember 2021, 00:04 Uhr
Dá Nikolaus
Jetzt wird’s eng, der Krampus kennt koa Dábámá … Bild: Wikipedia

1901, also vor 120 Jahren, veröffentlichte der Mundartdichter Franz Hönig ein besonderes Nikolaus-Gedicht. Hönig-Kenner und Mundartdichter Hermann Wurmhöringer hat es für die OÖNachrichten im Buch "Unsá Lándl" gefunden und zur Verfügung gestellt.

Nikolaui is á Zeit,

dö bringt Schrocká und bringt Freud.

Wann á kimmt, dá Nikolo,

sán dö brávn Kiná froh,

denn dö selbign haben schen lachá,

dö kriagn häufti guate Sachá,

Zwötschgn, Kletzn, Nuss und Öpfl,

já mein Freund, da reißt ’s eahn s’ Köpfl,

wann s’ auf’s Tálá schaun auf d’Nacht,

was dá Nikolo alls bracht.

Aber für dö besn Fratzn,

dö oftmächti kriagn án Patzn,

in dá Schul, weil s’ öftá lüagn,

odá schlechte Notn kriagn,

und für dö dö lehrn, dö Guatn,

nixö nutzn, bringt á d’Ruatn.

Mehr zum Thema
Mundartdichter, Kupferschmied, Bürgermeister
Oberösterreich

Mundartdichter, Kupferschmied, Bürgermeister

Franz Hönig machte sich nicht nur um die Mundart verdient, sondern auch für sein soziales Engagement.

 

Wann ’s noh Tag is, bei dá Liachtn,

da schrein d’ Buamá: "Nur nöt fürchtn,

wann á kimmt dá Nikolo

fahrn má halt ganz oanfach a,

na, was kann uns nachá gschehng?

Soll nur kemmá, wern ’s schon sehgn."

Abár wird ’s dann spötá Nacht,

Was werd da für Gsichtá gmacht,

wia siagst so án Buabn, án köckn,

glei bei jedn G’räusch dáschröckn.

 

Und so sitzn s’ umádum,

mäuserlhoamli in dá Stubn, völli änglsti, anstatt muntá,

etlá kloane Dirndl druntá,

und dá altn Kostfrau drentn

ihre drei, vier kloan’ Studentn.

 

"Jessás ná, i han was ghert!",

schreit auf oanmal oans und plert,

und wia wann ’s dá Blitz hätt troffn,

haben si allsamt glei váschloffn.

Untán Bänkán, untán Tischn,

dáss ás ja nöt kan dáwischn.

Weil má abár lang nix hert,

nur wia hi und da oans rehrt,

siácht má wo oan’ vüra zahná,

moant á nöt: "Es wárts má Manná!"

’s war á recht á kuraschiertá,

der si hintán Kittlfürtá,

seiná Muadá in dár Eil

hat á weng vástöckt dáweil.

Und den oan’ also wia den anern

Siacht má wiedá vürá wandern,

In án iadn Gsicht kannst lesn,

"Guat is’s gangá, nix is’s gwesn."

Mehr zum Thema
Nikolaus
Hoamatland

Nikolaus und das Brot

Diese Legende vom Nikolaus hat der Volkskundler Felix Karlinger aufgeschrieben. Helmut Wittmann erzählt sie nach ...

 

Kám is’s abár wiedá still,

gibt’s a fürchtálichs Gebrüll.

Vor dá Haustür, auf dá Straßn,

wia wann s’ d’Teufln los hättn lassn,

Gáng dö ganze Welt auf Scherbn

Gáb ’s ám End koan’ greßán Lärm,

Und dös Schewán mit dö Kettn,

d’ Haar stehn scho ge’ Berg án jedn,

D’Tür springt auf und in dá Mittn,

rechts und links á paar Levitn,

steht dá Nikolo in Zimmá

und koa Mauserl rührt sie nimmá.

Dös wár freili noh nix gwösen,

abár d‘ Krampus mit dö Bößn,

dö in Zimmá umáteufeln,

bringn dö Kloan schier zum Vázweifln

Jessás und iazt d’ Habágoaß,

dö vásteht erst gar koan Gspoaß.

Alle Augenblick kriagt s’ án Blangá

zan in Zöga eini z’fangá.

 

Endli fragt dá Nikolo:

"Koani besn Kiná da?"

"Ja, dá Xáverl", sagt aft d’Muadá,

"und dá Jagl, á koa Guatá,

haben nöt g’folgt dös ganze Jahr,

fangán sö’s nur mit, dö zwoa!"

 

"Guat", sagt Nikolo ganz gránti,

"kemmts nur dauná, á lá wánti,

Krampus, táts eure Pflicht

und verschonts dö Lumpen nicht,

denn es muß auf dieser Erdn,

wás nicht folgt, bestráfet werden!"

D’Habágoaß, dö schreit schau grimmi: "Warts, ös Lumpn, enk zwoa kimm i!"

 

Und dö Krámpus voll Válangá

wölln’s schau richti dauná fangá.

Bua, iazt fangán’s an zán Bittn,

packán d’Muadá glei um d’Mittn,

"Bitt ihná, Herr Nikolo,

Krampus, bitt enk, laßts uns da!"

"Gut, ich werd euch etwás ságn",

sagt dá Nikolo, "zwei Frágn

werde ich euch auferlegen.

Wißt ihr es, dann meinetwegen

sei die Stráfe euch geschenkt.

Doch, wenn nicht, dann werd’s ihr tränkt,

in den großen Wassákrandá,

alle beide miteinandá.

Sagt mir, wer gibt in der Not

jedem Armen auch sein Brot,

und wer, wann ihr schlaft bei Nacht,

auf der ganzen Erde wacht?"

 

"Heilige Máriá Táferl",

denkt si hoamli iazt dá Xáverl,

"Bruadá, dös is abár leicht",

und aft sagt ár in án Eicht:

"Der, der allmal bei dá Nacht,

wann dö anern schlafán, wacht

und den Armá oft án Wöcká

göbn tuat, das is unsá Böcká."

 

"Seit wánn is denn", schreit vor Zorn,

"Unsá Herrgott Böcká worn",

dann dá Nikolo, "du Kerl!

Krampus fangts’n bei dö Öhrl!"

Und dá Xáverl, wiar á Narr,

flehnt und schreit: "Ös is ja wahr!"

Moant á nu, er hätt’s dáratn,

Bua iazt hat’s eahm aber gratn,

für den Einfall für den guatn,

kriagt ár’s grimmi mit dá Ruatn,

wird dá Habágoaß, dá langá,

hint in Zögá einigfangá.

 

"Und dö zweite von dö Fragn,

Jagl, dö wirst du mir sagn",

sagt dá Nikolo, "drum schleuni,

sag má d’Hälfti iazt von neuni!"

 

"Da", sagt aft dárnach dá Jagl,

"bin i ganz in Wiglwagl",

schaut’n Nikolo aft an,

"Teuxl", denkt á, "hat mi schaun,

fünf sán z’viel, und wann i denk,

wern má vieri wiedá z’weng."

 

"Ja, i bitt, wanns nixö macht,

zwoamal vieri wár halt acht,

und den neuntn, wögn án zweitn,

tát i halt dáweil auf d’Seitn."

"Guat", sagt Nikolo, "gib acht,

wia ma so á Rechnung macht",

tuat dá Habágoaß dann deutn:

"Siagst, da drinát hast den zweitn,

mársch mit dir in Zögá eini,

wart, i lern dá zöhln bis neuni."

Und dö Krámpus vollá Gschwindn

packánd’n glei vorn und hintn,

und zum Xáverl zu den anern,

muaß á hiatzt einiwandern.

Und dös ganze Schrein und Woan,

vo dö Kiná, vo dö kloan,

nutzt nix, denn dá Nikolo

der is halt wögn den schau da.

Doh, auf oanmal sagt á freundli:

"Kinderchen, ös denkts warscheinli,

dáß i nettá wögn dö Besn

bin heut dágewesn?

 

Jedoch für die bráven, Frommen

bin ich auch gekommen.

Viele schöne süße Gáben

soll, wer bráv is, heute háben.

Böses kann ich nicht verschonen,

will dás Gute nur belohnen.

Jetzt seids bráv und legts enk nieder!

Krámpus und i, geh’ má wieder!"

 

"Bitt di, bitt di", sagt á Kloaná

und fangt recht an zum Woaná,

"bitt di schen, Herr Nikolo,

lass uns dert’n Xáverl da!"

Und dö anern voll Dábarmá,

bittn áh glei für den armá

Jagerl, daß án nöt soll tränká,

soll eahms noh für dösmal schenká.

Und dá Nikolo voll Güatn,

sagt dárnach: "I will án niadn

d’Straf für dösmal wiedá schenká,

abár geschehgn tuat’s nur wögn enká."

 

Is iatzt dös á Freudengschroa,

dableiben derfn alle zwoa,

Nikolo hat eahn’s vásprochá.

Richti sán’s aft außá krochá,

aus dá Habágoas ihrn Kübl,

Xáverl auf und auf oan Dübl,

und dá Jagerl moant: "Da hab i

umádum sö Flöck, so blabi,

Bruadá, ös wár völli gscheidá,

wárn dö Kuntn wiedá weidá."

 

Und wia’s wiedá fort san gangá,

wia’s schau draußt warn auf dá Straßn,

is schau alles voll Válangá,

was ár eahn denn hintálaßn,

und án iads wár gern dös schnellá,

wei’s aft hinschaun auf eahn Tellá

jessás, is da dös á Freud.

So viel Sachá, wárst nöt gscheidt.

 

Ebert für’n Jagerl und für’n Xáverl:

Is á Ruatn, mit án Táferl.

Drobn steh’ tuat: "Geht’s nöt mit Guatn,

hilft sunst nix als wiar á Ruatn."

"Is schau recht, ná dös is gscheidt",

moant dá Jagl vollá Schneid.

"Bua, iatzt solln’s már einá kemmá,

nachá wiar i d’Ruatn nehmá.

Wird’s schau segn, was nachá gschiacht,

moants leicht gar, i han má gfürcht?"

Schlög kriagn’s! Und hat ganz vázagt,

dä Muadá hint beim Kittl packt.

 

Dialektwörter

Tálá: Teller
Patzn: schlechte Note
Levitn: im übertragenen Sinn „Gefährten“. Von Levi, einem biblischen Stammvater, seine Nachfahren waren die Leviten.
Habágoaß:
1. Brauchtumsfigur – kommt mit dem Krampus und dem Nikolaus
2. Ziegenbock
3. Gebäck, das die Form eines Ziegenbocks hat
4. Spottname für einen Schneider
In manchen Regionen kommt die „Habágoaß“ als gebückt gehende Schreckgestalt gemeinsam mit dem Nikolaus und dem Krampus zu den Kindern – mit Teufelsmaske und Bocksfuß.
á lá wánti: schnell
blábi: blaue

Der gebürtige Reinbacher (Mühlviertel) Helmut Wurmhöringer ist Mundartdichter und lebt in Antiesenhofen (Innviertel).
Seine Bücher: „Aufgabelt“ und „Vo allem a weng ebbs“

mehr aus Oberösterreich

Sexualstraftäter wollte Kampfrichter werden

Auch Tieren droht ein Landarztmangel

Linz an die Donau!

Unfall mit E-Motorrad in Linz: 55-Jähriger schwer verletzt

Lädt

info Mit dem Klick auf das Icon fügen Sie das Schlagwort zu Ihren Themen hinzu.

info Mit dem Klick auf das Icon öffnen Sie Ihre "meine Themen" Seite. Sie haben von 15 Schlagworten gespeichert und müssten Schlagworte entfernen.

info Mit dem Klick auf das Icon entfernen Sie das Schlagwort aus Ihren Themen.

Fügen Sie das Thema zu Ihren Themen hinzu.

0  Kommentare
0  Kommentare
Zu diesem Thema wurden noch keine Kommentare geschrieben.
Neueste zuerst Älteste zuerst Beste Bewertung
Aktuelle Meldungen