Archiv | ePaper | Digital
 |  A A A
Montag, 21. Jänner 2019, 12:40 Uhr

Linz: 0°C Ort wählen »
 
Montag, 21. Jänner 2019, 12:40 Uhr mehr Wetter »
Startseite  > Meinung  > Mostdipf

Haun ma’s heut eini, de Preissn!

Eigentli san mia jo alle irgendwie a Bayern, da hätt ma kan Alaba im Bayerndress braucht dazua, um des zu kapiern. Da genügt a Exkursion ins Innviertl. Im Rieder Kellerbräu oder beim Gstanzlsinga in Aspach oder im Stamperl in Ried wird gredt wia drübern Inn. I zag mi heit solidarisch und machs so: A Tragerl Weißbier her, pfeif aufn Most, d’ Fiaß aufn Tisch und a Ruah daham. Und dann haun ma’s eini, de Preissn. 3:0 fia uns.

Oba, waun i mas recht überleg: Soll i net do lieba zum Aussnseita haltn? San jo imma so groß dran und goschert, de Bayern – und waun i ma vorstell, wia se de Münchner Schickeria gfrein tat, da Sammer jubiliert und da Hoeneß, des Steuer-Gfrast. Reicht jo eh als Unterstützung, wann i dem Hoeneß seine Bratwürstln mampf. Aber besser sans halt als a Currywurst.

 

Waun ma scho dabei san und unser Verwandtschaft zu de Bayern entdeckn, steigt ma s’Gimpfte auf, waun i hör, was in Linz passiern soll. A buddhistische Stupa, so a asiatische Pyramidn, woins am Freinberg baun, an Buddhistentempel. Wo bleibt da unsa Tradition? Stellts euch vor, was passiert, waun so a Stupa mitten in Münchn plant warat. Da lassert der Seehofer die Grenadier aufmarschiern und die Schützen drohen.

Andererseits hab i Verständnis, dass Linz auf Friedn und Verständigung setzt. Gestan in Wean hat jo a da Richta zum Buagamasta und zur Bawag gsagt: Gebts euch d’Hand, vertragts euch und lassts mi mit der ganzn Sach ausn Kraut.

 

Bled nur, dass des net so anfach geht und der Handschlag der Stadt mindestens 100 Millionen kostn wird. Und ob se des da Dobusch leistn will? Vielleicht hilft da wirklich nur nu betn. Oba zu wem?

Kommentare anzeigen »
Artikel Vitus Mostdipf 25. Mai 2013 - 00:04 Uhr
Meistgelesen   mehr »
Weitere Meldungen
OÖNachrichten auf Facebook OÖNachrichten auf Twitter OÖNachrichten auf Google+ OÖNachrichten RSS